Американскиот министер за финансии Хенри Полсон денеска изјави дека владата на Соединетите Држави ќе потроши над 250 милијарди долари за купување на акции од неколку поголеми банки кои имаат проблеми, со цел стабилизирање на финансискиот систем. Овој потег е дел од планот на американскиот претседател Џорџ Буш вреден 700 милијарди долари, кој беше одобрен и од конгресот за справување со финансиската криза.