Вицепремиерот Зоран Ставрески денеска во Вашингтон ќе има средби со директорот на Меѓународниот монетарен фонд Доминик Строс Кан и со претседателот на Светската Банка Роберт Зелик. Се очекува да стане збор за актуелните настани поврзани со глобалната финансиска криза. Ставрески е претседавач на Генералното собрание на Светската Банка и ММФ за годинава што ќе се одржи в понеделник.
