Македонија„покажа спремност за компромис, но не по секоја цена“ рече премиерот Никола Груевски на синоќешната прослава на празникот 8-ми септември, говорејќи за спорот со Грција за името. Ние сме за решение, но не сме за решение што нема да ги заштити нашите интереси и нашиот идентитет. Ние сме за НАТО и за ЕУ, но не можеме за тоа да одиме подалеку отколку што тоа ни го дозволува историјата и од тоа што ни го дозволуваат мнозинството граѓани, истакна премиерот. Тој ги повика сите граѓани на Македонија да се обединат без оглед на етничката, верската или партиската припадност.