Малку и за спортот. Ирачките спортисти сепак ќе можат да учествуваат на Олимписките игри во Пекинг. Оваа одлука ја донесе синоќа во Лозана Меѓународниот олимписки комитет, соопштувајќи оти привремено ја укинува суспензијата на Ирак, затоа што владата на оваа земја се обврзала дека нема да се меша во работата на националниот олимписки комитет. Се очекува на игрите во Кина да учествуваат двајца ирачки атлетичари.
