Иранскиот претседател Махмуд Ахмадинеџат упатил писмо до еден јапонски весник во кое остро ги критикува лидерите на Групата 8 индустриски најразвиени земји во светот. Ахмадинеџат наведува дека тие се обидуваат да ги решат сопствените проблеми, а притоа го игнорираат дигнитетот на другите земји. Во писмото, иранскиот претседател повторно ги отфрли повиците за прекин на процесот за збогатување ураниум.
