Полицијата во Монголија го блокирала денеска центарот на главниот град Улан Батор, откако претседателот Намбарин Енхбајар прогласи вонредна состојба поради пост-изборните насилства во кои загинале 5 лица, а над 300 биле повредени. Опозицијата вчера започна протести, обвинувајки ја власта за кражба на гласовите, при што дојде до жестоки судири со полицијата. Претседателот Енхабјар оцени дека имало нерегуларности на изборите, но побара смирување на ситуацијата.
