Државната изборна комисија на вчерашната седница го поништи гласањето на повтореното гласање на избирачките места 2108 во општина Желино и 2047 во општина Брвеница во изборната единица шест. Демократската унија за интеграција и Демократската партија на Албанците поднесоа 24 жалби до ДИК за повтореното гласање на предвремените парламентарни избори, што се одржа во неделата на 15 јуни.
