Министрите за финансии од групата 8, индустриски најразвиени земји во светот, предупредија дека високите цени на нафтата и на храната се сериозен предизвик за стабилниот економски развој во светот. Во заедничката изјава по состанокот во Осака, министрите оценија дека може да се очекува зголемување на сиромаштијата и на глобалната инфлација. Тие ги повикаа земјите извознички на нафта да го зголемат производството со цел да се стабилизираат цените.
