Американскиот претседател Џорџ Буш денеска заминува во европска турнеја за време на која ќе престојува во Словенија, на годишниот самит меѓу Европска Унијата и Соединетите Држави, а потоа ќе ги посети и Германија, Италија, Ватикан, Франција и Велика Британија. Како што е најавено, Буш ќе побара од лидерите на тие земји поголема помош за Авганистан, зголемен притисок врз Иран за неговата нуклеарна програма и унапредување на соработката во врска со климатските промени.
