Демократската унија за интеграција вчера на шестгодишнината од основањето на партијата одржа протестен митинг на плоштадот Скендер бег во Скопје против манипулацијата и нелегитимноста на изборите. На митингот се обрати лидерот на партијата Али Ахмети кој нагласи дека победник на изборите меѓу Албанците е ДУИ и обвини дека за изборното насилство и фалсификат се виновни ДПА. Ахмети порача дека ДУИ никој нема да ја спречи да ја брани волјата на народот.