Претседателот на државава Бранко Црвенковски во наредниве два дена ќе учествува на средбата на државите членки во Процесот на соработка во Југоисточна Европа што ќе се одржи во Поморие , Бугарија. Со средбата ќе претседателствува вицепремиерот и министер за надворешни работи на Бугарија, Ивалјо Калфин, додека домаѓин е премиерот Сергеј Станишев. Цел на форумот основан во 1996 година е продлабочување на соработката меѓу државите членки, зачувување на мирот и стабилноста, јакнење на проевропските сили во регионот и приближување на земјите членки кон европските и евроатлантските интеграции.