Во експлозија на автомобил бомба во близина на една американска патрола во Багдад, настрадале 9-мина ирачки цивили, а 23-ца биле повредени, соопшти ирачката полиција. Минатиот месец беше еден од најсмртоносните во последно време во Ирак. Според ирачкото министерство за здравство, во април загинале 968 цивили, а американските сили соопштија дека во истиот период загинале 49 нивни војници.
