Градскиот совет на Париз ја изгласа одлуката за прогласување на Далај Лама за почесен граѓанин, со што, како што се вели, му се оддава признание за неговите мировни напори. Францускиот претседател Никола Саркози претходно изјави дека е против таквата одлука, обидувајки се да ги ублажи тензиите со Кина. Кинеското министерство за надворешни работи ја осуди одлуката на советот на Париз.
