Министерот за надворешни работи на Македонија Антонио Милошоски денеска ќе престојува во еднодневна работна посета на Република Ирска. Покрај билатералните разгововори со своите домаќини, министерот Милошоски и ирскиот министер за европски прашања, Дик Роч, ќе потпишат и Договор за одбегнување на двојно одданочување помеѓу Република Македонија и Република Ирска. Во рамки на посетата шефот на македонската дипломатија ќе учествува и на средбата на европските народни партии, на која меѓу другите ќе присуствуваат и претседателот на Европскиот парламент, Ханс Герт Потериг, и германскиот канцелар, Ангела Меркел.