Кинескиот претседател Ху Џинтао денеска изјави дека конфликтот што го имаат властите во Пекинг со Далај Лама е прашање на државен суверенитет кое нема врска со етничката припадност, религијата или човековите права. Тој додаде дека со Далај Лама Кина ќе разговара само доколку тој се откаже од борбата за независност на Тибет. Далај Лама повтори дека е против насилствата и оти бара автономија за Тибет, а не независност.
