Македонскиот државен врв следната недела ќе почне консултации на повеќе нивоа за да се изнајде што поскоро соодветно решение за спорот со името со Грција,која ја блокираше Македонија за добивање покана за членство во НАТО. Ова денеска во Загреб го потврдија шефот на државата Бранко Црвенковски и премиерот Никола Груевски кои разговараа со американскиот претседател Џорџ Буш и нивните колеги од Јадранската група Албанија и Хрватска.
