Првиот заменик-шеф на УНМИК, Лари Росин изјави дека предлогот на српскиот министер за Косово и Метохија Слободан Самарџиќ може да биде основа за разговор меѓу Белград и цивилната мисија на Обединетите нации, но оти „многу делови од планот не се во согласност со мандатот на УНМИК“. Росин наведе дека предлогот на српската страна во моментот е во Њујорк, откаде се очекуваат инструкции за натамошно дејствување на УНМИК.
