Американскиот преговарач во разговорите за нуклеарната програма на Северна Кореја, Кристофер Хил изјави дека на денешниот состанок со неговиот северно корејски колега во Женава ќе понуди нови идеи за решавање напроблемот. Не откри за што станува збор, но изјави дека нема да има напредок во преговорите доколку официјален Пјонгјанг не ја понуди целосната листа на нуклеарни активности која требаше да биде објавена уште во декември минатата година.
