Медијаторот во грчко-македонскиот спор за името Метју Нимиц денеска доаѓа во Скопје на средба со македонскиот државен врв. На состанокот со Нимиц ќе учествуваат претседателот Црвенковски, премиерот Никола Груевски, шефот на дипломатијата Антонио Милошоски и македонскиот преговарач за името Никола Димитров. Медиумите во Грција објавија дека не е исклучено по разговорите во Скопје специјалниот посредник на ОН да ја посети и Атина.
