Британската полиција соопшти дека првичната аутопсија покажала оти грузискиот опозиционен лидер Бадри Патаркатсишвили умрел од природна смрт, но оти ќе бидат извршени и дополнителни токсиколошки истражувања. Тој беше пронајден мртов синоќа во неговиот дом во Лондон. Патаркатсишвили беше остар критичар на грузискиот претседател Михаел Саакашвили, а живееше во Лондон од крајот на минатата година откако грузиските власти го обвинија за обид за државен удар.