Известувачот на Европскиот парламент Ханс Свобода денеска пред членовите на Одборот за надворешна политика на Европскиот парламент ќе го претстави извештајот за напредокот на Хрватска кон Европската Унија. Во документот 2009 е посочена како можна година за завршување на претпристапните преговори, што, според Свобода, теоретски означува дека Хрватска би можела да се присоедини кон ЕУ во 2010 година.
