Дирекцијата за заштита на личните податоци денеска од десет до 14 часот организира отворен ден за сите граѓани кои сакаат непосредно да се запознаат со нејзината работа и принципите во остварувањето на контролата на приватноста. Со тоа, Дирекцијата ќе се вклучи во одбележувањето на Европскиот ден на заштита на личните податоци и ќе ја презентира брошурата Ти одлучуваш. Целта е да се развие свеста и граѓаните да знаат кои се нивните права во оваа сфера и да реагираат ако тие се прекршени.