Опозицијата во Кенија ги одложи за денеска закажаните протести, откако поранешниот генерален секретар на Обединетите Нации Кофи Анан ги повика на воздржаност. Анан пристигна во Кенија во вторникот и имаше средба со лидерот на опозицијата Раила Одинга, а денеска ќе разговара и со претседателот Мваи Кибаки. Нередите во Кенија започнаа по претседателските избори кои, според опозицијата, биле нерегуларни, и досега загинаа над 650 лица.