Грчкиот премиер Костас Караманлис денеска пристигнува во тридневна официјална посета на Турција, на покана од неговиот колега Реџеп Таип Ердоган. Во програмата на грчкиот премиер се вклучени средби и со претседателот Абдула Ѓул и со други официјални претставници на Турција. Утре Караманлис ќе отпатува за Истанбул, каде што ќе ја посети Вселенската патријаршија, а на последниот ден на посетата заедно со Ердоган ќе учествуваат на економскиот форум на бизнисмени од двете земји. Турскиот премиер вчера истакна дека посетата, која е прва на грчки премиер по 49 години, е од особена важност за развојот на грчко-турските односи.