Министерот за одбрана Лазар Еленовски и началникот на Генералштабот на АРМ Мирослав Стојановски денеска на собраниската Комисија за одбрана и безбедност ќе информираат за тековните реформи во Армијата и за состојбите во мировните мисии на Република Македонија во странство. На дневен ред на седницата на Комисијата се и Предлогот за донесување закон за изменување и дополнување на Законот за заштита на личните податоци и Предлогот за донесување закон за дополнување на Законот за патни исправи на државјаните на Република Македонија.
