Советот за безбедност на Обединетите Нации денеска ќе го разгледа извештајот на УНМИК за ситуацијата на Косово. На почетокот седницата ќе биде отворена за јавност и тогаш ќе говори претседателот на Србија Борис Тадиќ кој најави дека ќе побара модалитети за продолжување на преговорачкиот процес за идниот косовски статус. Потоа на затворениот дел од седницата ќе говорат шефот на УНМИК Јоаким Рикер и премиерот на Косово Хашим Тачи.
