Поранешниот британски премиер Тони Блер денеска стана висок советник на американската банка ЏејПи Морган Чејс енд компани и неговата годишна плата, според британските медиуми, ќе биде милион долари. ,,Очекувам да ги советувам најважните клиенти на банката како да пристапат кон големите политички и економски промени што ги носи глобализацијата,, вели Блер кој додава дека новиот ангажман нема да се одрази врз неговата работа како специјален пратеник за Блискиот исток.
