Генералниот секретар на НАТО Јап де Хоп Схефер утре ќе престојува во Букурешт за да види како течат подготовките за самитот на Алијансата што е закажан за април годинава. Романските власти соопштија дека тоа ќе биде најголем собир во историјата на НАТО, со оглед на тоа што на него ќе учествуваат претставници на дваесет и шесте земји членки на Алијансата, на дваесет и трите земји од Партнерството за мир, како и на партнерските земји од Азија кои партиципираат во мировната мисија на НАТО во Авганистан.
