Вчера доцна попладне се запали покривната конструкција на фабриката во Бунарџик што ја гради американската корпорација „Џонсон контролс“, јави МИА. Најверојатно причина за пожарот е дефект на вентилацијата за затоплување на објектот, велат од Бригадата за заштита на пожари на Град Скопје. Пожарот е веднаш ставен под контрола, бидејќи системот за самогаснење веднаш се активирал, изјави Благоја Менковски од Бригадата, додавајќи дека материјалната штета не е голема и дополнително ќе биде утврдена.