Советот за безбедност денеска ќе го разгледа извештајот што ќе го претстави високиот претставник во Босна Мирослав Лајчак. Во изваштајот се наведува дека поради жестоките реторики на Бошњаците и Србите, земјата не забележала напредок во правец на приближување кон Европската Унија. Тричленото босанско Претседателство уште минатата година ги заврши преговорите околу Договорот за стабилизација и асоцијација со ЕУ, но оттогаш не направило ниту чекор кон потпишување на овој документ, известува Лајчак.