Американскиот претседател Џорџ Буш утре ќе соопшти дека планира повлекување на 30 илјади војници од Ирак до август идната година, јавува Асошиетед прес. Намалувањето што ќе го предложи Белата куќа се совпаѓа со препораката на командантот на американските сили во Ирак Дејвид Петреус, која предвидува до идната година во оваа земја да останат околу 130 илјади војници.
