Претседателот на Република Македонија Брaнко Црвенковски ќе го прими началникот на Генералштабот на војската на Република Србија Здравко Понош, кој е во официјална посета на земјава. Српскиот генерал вчера се сретна со својот македонски колега Мирослав Стојановски, со кого разговараше за достигнувањата постигнати во одбранбениот сектор и воената соработка. Дали ќе се дестабилизира регионот доколку набргу не се реши прашањето за Косово, е прашање за политичарите, оценија тие по средбата. Генерал Понош вчера беше примен и од министерот за одбрана Лазар Еленовски.
