Парламентарните избори за Државната дума, долниот дом на рускиот Парламент, ќе се одржат на 2.декември. Ова се наведува во указот што денеска го потпиша рускиот претседател Владимир Путин, а со што и официјално започнува изборната кампања во Русија. Изборите ќе се одржат во согласност со новиот изборен закон што предвидува сите 450 пратеници да се бираат според партиските листи, а изборниот праг за политичките партии да изнесува седум проценти.
