Претседателот на Комитетот за меѓународни односи при Државната Дума на Русија Константин Косачов ја исклучува можноста за создавање на независна држава на територијата на Косово. Коментирајќи ги пораките на српските министри од Демократската партија на Србија, кои се однесуваа пред се на Соединетите Држави да се откажат од намерата за формирање држава на НАТО во Косово, Косачов нагласи, дека Русија нема да дозволи ова да се случи, бидејќи тоа е во спротивност со меѓународното право.
