Посредничката тројка за преговорите за идниот статус на Косово денеска ќе ги информира земјите членки на Контакт групата за резултатите од посетите на Белград и Приштина, јави приштинскиот весник „“Зери“ повикувајќи се на дипломатски извори. Според весникот, „тројката“ им порачала на Белград и Приштина на „следниот состанок во Виена да дојдат со нови идеи, а не со старите кои сите ги знаат“. Следниот состанок на тројката и претставниците на Приштина ќе се одржи во Виeна на крајот на месецот, веројатно на 29 и 30 август.