Шефот на турската дипломатија Абдула Ѓул денеска потврди дека повторно ќе биде кандидат на владејачка Партија на правдата и развојот за претседател на Турција. Во мај годинава, кандидатурата на Ѓул предизвика жестоки реакции од турските секуларисти. Неуспехот тој да биде избран за шеф на државата доведе до предвремени парламентарни избори во кои убедливо победи неговата Партија на правдата и развојот.
