Евроамбасадорот Ерван Фуере по денешната завршна конференција за проектот „Техничка помош на Министерството за економија за подобрување на инвестициската клима во Република Македонија“ оцени дека проектот е успешен и оти клучниот предизвик за Македонија се странските инвестиции. Фуере истакна дека во рамки на проектот Владата ги прифатила сите препораки и оти очекува да бидат постигнати позитивни резултати. Проектот беше финансиран со 1,2 милиони евра од страна на Европската Унија а се спроведуваше 18 месеци.