Претседателот на Европската Комисија Жозе Мануел Баросо изрази жалење за денешната одлука на Либискиот Врховен суд кој ја потврди смртната казна за 5-те бугарски медицински сестри и еден палестински доктор за намерно инфицирање на 400-тини деца со ХИВ вирусот. Баросо изрази надеж дека ќе биде пронајдено решение за случајот. Инаку, потврдата од Врховниот суд не е конечна, истата треба да биде потврдена, преиначена или целосно укината и од страна на либискиот правосуден совет. Во меѓувреме од Фондацијата ,,Гадафи,, е соопштено дека семејствата на жртвите прифатиле материјална сатисфакција, што ќе овозможи решавање на кризата.