Во Поточари денеска е одбележана 12 годишнината од геноцидот во Сребреница, каде од страна на силите на Република Српска беа убиени осум илјади муслимани. Во Меморијалниот центар беа закопани посмртните останки на уште 465 убиени лица, неодамна идентификувани. На комеморацијата освен босанските власти присуствуваа и високиот меѓународен претставник во Босна и Херцеговина Мирослав Лајчак и главниот хашки обвинител Карла Дел Понте.
