Група иранци запалиле една бензиска пумпа во Техеран во знак на протест против воведените рестрикции за користење на гориво. Агенциите јавија дека демонстрантите извикувале и слогани против иранскиот претседател Махмуд Ахмадинеџат. Медиумите во Техеран објавија дека се оштетени неколку бензиски пумпи и оти има уапсени. Иранската влада соопшти дека од денеска сопстениците на приватни автомобили можат да користат најмногу 100 литри бензин месечно.
