Денеска во Белград ќе биде изречена пресудата на 12-темина обвинети за убиството на српскиот премиер Зоран Ѓинѓиќ. Кон крајот на минатиот месец, обвинителот, ополномоштените на оштетените, бранителите и обвинетите ги изнесоа завршните зборови во овој судски процес, кој почна на 22 декември 2003 година. Петмина од обвинетите се во бегство и ним им се суди во отсуство, а првообвинет за убиството на Ѓинѓиќ е некогашниот командант на Единицата за специјални операции Милорад Улемек Легија.
