Парламентарното собрание на Советот на Европа во рамките на редовното пролетно заседание денеска ќе расправа за човековите права и за демократијата во Европа. На пратениците ќе им се обратат високиот комесар на ОН за човекови права Луиз Арбур, а ќе биде претставен и извештајот на Комитетот за правни прашања и за човекови права на Советот на Европа. Во делот посветен на демократијата ќе се обрати и генералниот секретар на Советот Тери Дејвис.
