Во главниот град на Ирак Багдад вчера биле водени најтешки борби од почетокот на безбедносната операција предводена од американските сили во февруари годинава. Четворица ирачки војници загинале, а 16 американски биле ранети во целодневните битки, при што биле убиени и тројца вооружени бунтовници. Во меѓувреме, во Мукдадија, северно од Багдад, жена бомбаш самоубиец убила 16 луѓе кои чекале ред за регрутација во полицијата.
