Американскиот претседател Џорџ Буш вчера го потпиша законот со кој се поддржува приемот на Македонија, Хрватска, Албанија, Грузија и на Украина во НАТО. Покрај поддршката на приемот на петте држави во Алијансата, со Законот истовремено и се одобрува дополнителна воена помош за петте држави. Согласно Законот, трите земји од Јадранската група, како и Грузија и Украина се определуваат како држави на кои може да им биде доделена воена помош од тековната буџетска година која истекува на 30 септември.