Највисокото законодавно тело на Туркменистан, во кое има 2 илјади и 500 делегати, се состанува денеска за да ја разгледа политичката иднина на земјата по смртта на претседателот Сапармурат Нијазов. Се очекува да биде утврден датум за претседателски избори, како и можните кандидати. Претставници на туркменистанската опозиција во егзил најавуваат свој претседателски кандидат и побараа од Европската Унија, Русија и Соединетите Држави да извршат притисок врз туркменистанските власти да организираат фер избори.
