Палестинскиот премиер Исмаил Ханија по престојот во Египет се врати во Појасот Газа, но без неколкуте милиони долари донации поради израелската блокада на финансиски средства за палестинците. Израел, Соединетите Држави и Европската Унија воведоа санкции против владејачкиот Хамас поради тоа што одбива да се откаже од насилството и да го признае Израел. При враќањето на Ханија дошло и до престрелка во која еден негов чувар бил убиен, додека неколкумина други биле ранети. Ханија изјави дека опозициониот Фатах се обидел да го убие.
