Три бомби експлодирале една по друга во близина на една бензиска пумпа во Багдад, при што најмалку 15 луѓе загинале, а 20-тина биле повредени. Во друг дел од градот биле убиени 14 луѓе кога бил нападнат автобус во кој се возеле шиитски владини службеници. При посетата на Вашингтон, шиитскиот политичар Абдул Азис Ал Хаким оцени дека единствен начин да се спречи граѓанска војна во Ирак е американските сили да извршат пожестоки напади врз сунитските бунтовници.
