Поранешниот руски разузнавач Александар Литвиненко, кој пред три недели беше примен во универзитетската болница во Лондон поради труење, почина доцна синоќа. Лекарите изјавија дека не е утврдена причината за смртта, додека лондонската полиција соопшти дека - овој случај се истражува како неразјаснета смрт. Литвиненко , кој беше остар противник на рускиот претседател , Владимир Путин, тврдеше дека се разболел откако во хотелот седел со двајца Руси. Тој го истражуваше убиството на руската новинарка Ана Политковскаја , убиена во Москва на 7 октомври.