Во Њујорк денеска ќе биде одржан состанок на Контакт групата на ниво на политички директори за Балкан во министерствата за надворешни работи на земјите членки на групата. На состанокот ќе учествува и меѓународниот посредник на преговорите за косовскиот статус Марти Ахтисари. Според некои дипломатски најави, Ахтисари би можело да им го претстави предлогот на решението за Косово.