Министрите за надворешни работи на Европската Унија денеска во Брисел разговараат за учеството во мировната мисија во Либан. На состанокот ќе присуствува и генералниот секретар на Обединетите Нации Кофи Анан. Италија понуди 3 илјади војници во мисијата, како и да ја превземе командата. Вчера Франција соопшти дека ќе испрати вкупно 2 илјади војници во Либан, откако, како што изјави претседателот Жак Ширак, добиле гаранции од Обединетите Нации дека трупите ќе имаат право да одговорат на евентуален напад.